Pāli
Namo tassa bhagavato arahato sammāsambuddhassa
1.2.1 Ekapuggalavaggo - La persona única
“Ekapuggalo, bhikkhave, loke uppajjamāno uppajjati bahujanahitāya bahujanasukhāya lokānukampāya atthāya hitāya sukhāya devamanussānaṃ. Katamo ekapuggalo? Tathāgato arahaṃ sammāsambuddho. Ayaṃ kho, bhikkhave, ekapuggalo loke uppajjamāno uppajjati bahujanahitāya bahujanasukhāya lokānukampāya atthāya hitāya sukhāya devamanussānan”ti.
“Ekapuggalassa, bhikkhave, pātubhāvo dullabho lokasmiṃ. Katamassa ekapuggalassa? Tathāgatassa arahato sammāsambuddhassa. Imassa kho, bhikkhave, ekapuggalassa pātubhāvo dullabho lokasmin”ti.
“Ekapuggalo, bhikkhave, loke uppajjamāno uppajjati acchariyamanusso. Katamo ekapuggalo? Tathāgato arahaṃ sammāsambuddho. Ayaṃ kho, bhikkhave, ekapuggalo loke uppajjamāno uppajjati acchariyamanusso”ti.
“Ekapuggalassa, bhikkhave, kālakiriyā bahuno janassa anutappā hoti. Katamassa ekapuggalassa? Tathāgatassa arahato sammāsambuddhassa. Imassa kho, bhikkhave, ekapuggalassa kālakiriyā bahuno janassa anutappā hotī”ti. …
Ekakanipātapāḷi, Aṅguttaranikāyo, selec.
Vocabulario
- acchariyamanusso - [acchariya + manusso] maravilloso, excepcional + hombre
- anutappā - [anu + tappa/grd.] ser lamentado
- dullabho - [du + l + labho] único, raro, logro difícil
- ekapuggalo - [eka + puggalo] una / única + persona
- kālakiriyā - [kāla + kiriyā/abstr. of karoti] tiempo + haciendo, muerte, lit: cumplir con el tiempo
- katamo - [interr.] cuál?
- lokasmiṃ - [loka + asmiṃ] mundo + en el
- pātubhāvo - [pātur/indecl. + bhāvo] aparición, manifestación