Namo tassa bhagavato arahato sammāsambuddhassa

1.3.6 Tamotamasuttaṃ - From Darkness or Brightness to Brightness or Darkness

Cattārome, bhikkhave, puggalā santo saṃvijjamānā lokasmiṃ. Katame cattāro? Tamo tamaparāyaṇo, tamo jotiparāyaṇo, joti tamaparāyaṇo, joti jotiparāyaṇo.

Kathañca, bhikkhave, puggalo tamo hoti tamaparāyaṇo? Idha, bhikkhave, ekacco puggalo nīce kule paccājāto hoti– caṇḍālakule vā venakule vā nesādakule vā rathakārakule vā pukkusakule vā dalidde appannapānabhojane kasiravuttike, yattha kasirena ghāsacchādo labbhati. So ca hoti dubbaṇṇo duddasiko okoṭimako bavhābādho kāṇo vā kuṇī vā khañjo vā pakkhahato vā, na lābhī annassa pānassa vatthassa yānassa mālāgandhavilepanassa seyyāvasathapadīpeyyassa. So kāyena duccaritaṃ carati, vācāya duccaritaṃ carati, manasā duccaritaṃ carati. So kāyena duccaritaṃ caritvā, vācāya duccaritaṃ caritvā, manasā duccaritaṃ caritvā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Evaṃ kho, bhikkhave, puggalo tamo hoti tamaparāyaṇo.

Kathañca, bhikkhave, puggalo tamo hoti jotiparāyaṇo? Idha, bhikkhave, ekacco puggalo nīce kule paccājāto hoti– caṇḍālakule vā venakule vā nesādakule vā rathakārakule vā pukkusakule vā dalidde appannapānabhojane kasiravuttike, yattha kasirena ghāsacchādo labbhati; so ca hoti dubbaṇṇo duddasiko okoṭimako bavhābādho kāṇo vā kuṇī vā khañjo vā pakkhahato vā na lābhī annassa pānassa vatthassa yānassa mālāgandhavilepanassa seyyāvasathapadīpeyyassa. So kāyena sucaritaṃ carati, vācāya sucaritaṃ carati, manasā sucaritaṃ carati. So kāyena sucaritaṃ caritvā, vācāya sucaritaṃ caritvā, manasā sucaritaṃ caritvā kāyassa bhedā paraṃ maraṇā sugatiṃ saggaṃ lokaṃ upapajjati. Evaṃ kho, bhikkhave, puggalo tamo hoti jotiparāyaṇo.

Kathañca, bhikkhave, puggalo joti hoti tamaparāyaṇo? Idha, bhikkhave, ekacco puggalo ucce kule paccājāto hoti– khattiyamahāsālakule vā brāhmaṇamahāsālakule vā gahapatimahāsālakule vā aḍḍhe mahaddhane mahābhoge pahūtajātarūparajate pahūtavittūpakaraṇe pahūtadhanadhaññe; so ca hoti abhirūpo dassanīyo pāsādiko paramāya vaṇṇapokkharatāya samannāgato, lābhī annassa pānassa vatthassa yānassa mālāgandhavilepanassa seyyāvasathapadīpeyyassa. So kāyena duccaritaṃ carati, vācāya duccaritaṃ carati, manasā duccaritaṃ carati. So kāyena duccaritaṃ caritvā, vācāya duccaritaṃ caritvā, manasā duccaritaṃ caritvā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Evaṃ kho, bhikkhave, puggalo joti hoti tamaparāyaṇo.

Kathañca, bhikkhave, puggalo joti hoti jotiparāyaṇo? Idha, bhikkhave, ekacco puggalo ucce kule paccājāto hoti– khattiyamahāsālakule vā brāhmaṇamahāsālakule vā gahapatimahāsālakule vā aḍḍhe mahaddhane mahābhoge pahūtajātarūparajate pahūtavittūpakaraṇe pahūtadhanadhaññe; so ca hoti abhirūpo dassanīyo pāsādiko paramāya vaṇṇapokkharatāya samannāgato, lābhī annassa pānassa vatthassa yānassa mālāgandhavilepanassa seyyāvasathapadīpeyyassa. So kāyena sucaritaṃ carati, vācāya sucaritaṃ carati, manasā sucaritaṃ carati. So kāyena sucaritaṃ caritvā, vācāya sucaritaṃ caritvā, manasā sucaritaṃ caritvā kāyassa bhedā paraṃ maraṇā sugatiṃ saggaṃ lokaṃ upapajjati. Evaṃ kho, bhikkhave, puggalo joti hoti jotiparāyaṇo. Ime kho, bhikkhave, cattāro puggalā santo saṃvijjamānā lokasmin”ti.

Aṅguttaranikāyo, Catukkanipātapāḷi, Dutiapaṇṇāsakaṃ, Macalavaggo


Vocabulary
  1. aḍḍhe - wealthy, rich
  2. abhirūpo - [abhi + rūpo] of perfect form, very handsom
  3. apāyaṃ - going away, state of woe
  4. appannapānabhojane - [appa + ṃ + anna + pāna + bhojane] little+food+drink+nourishment
  5. bavhābādho - [bahu + ābādho] many + diseases, of bad health
  6. bhedā - [bhedā] breakage
  7. caṇḍālakule - [caṇḍāla + kule] outcast + clan
  8. dalidde - poor, wretched
  9. dassanīyo - fair to behold
  10. dubbaṇṇo - [du + b + vaṇṇo] of bad complexion
  11. duccaritaṃ - [du + c + caritaṃ] badly + code of conduct
  12. duddasiko - [du + d + dasiko] bad to be seen
  13. duggatiṃ - [du+ g + gatiṃ] badly + gone
  14. gahapatimahāsālakule - [gaha + pati + mahā + sāla + kule] house + master + great + hall + family, householder family of great means
  15. ghāsacchādo - [ghāsa + c + chādo] food + clothing
  16. jotiparāyaṇo - [joti + parāyaṇo] light + having as goal
  17. kasiravuttike - [kasira + vutti + ka] hard + livelihood, finding it hard to support oneself
  18. kasirena - [kasira (instr.)] with difficulty
  19. khañjo - lame
  20. kule - family, clan
  21. kuṇī - deformed, crooked
  22. labbhati - to gain
  23. mālāgandhavilepanassa - [mālā + gandha + vilepana + assa] flowers + odour + perfume: embellishments, decorations of women
  24. manasā - [manasā] by mind
  25. nīce - [adj.] low, inferior
  26. nesādakule - [nesādakule] hunter + clan
  27. nirayaṃ - hell
  28. okoṭimako - [o + koṭi + mant + ko] lit.: having the top lowered; of ugly appearance
  29. pāsādiko - pleasing, lovely
  30. paccājāto - [pacca + jāto] after + birth; coming into existence
  31. pahūtadhanadhaññe - [pahūta + dhana + dhaññe] having many riches
  32. pahūtajātarūparajate - [pahūta + jātarūpa + rajate] much + gold + silver (coins)
  33. pahūtavittūpakaraṇe - [pahūta + vitta + ūpakaraṇe] much + prosperity + means of existence
  34. pakkhahato - [pakkha + hato] lit.: struck, paralysed + one side; a cripple
  35. pukkusakule - [pukkusa + kule] refuse-cleaner + clan
  36. rathakārakule - [ratha + kāra + kule] carriagemaker, chariotbuilder + clan
  37. saṃvijjamānā - [saṃvijjati(ger.) + mānā] to be found
  38. saggaṃ - heaven
  39. santo - [fr. atthi (p.pr.)] existing
  40. seyyāvasathapadīpeyyassa - [seyyā + āvasatha + padīpeyya] bed + dwelling + material for lamps, light
  41. sugatiṃ - [su + gatiṃ] well + gone
  42. tama - o darkness, state of suffering,
  43. tamaparāyaṇo - [tamo/a + parāyaṇo] darkness + lit.: finding one’s support, having as destiny
  44. ucce - high, up
  45. upapajjati - [upa + pajjati] up + to rise, to originate
  46. vaṇṇapokkharatāya - [vaṇṇa + pokkharatāya] appearance + lotus flowerlike
  47. vatthassa - [vattha + assa] with/of clothes
  48. venakule - [venakule] bamboo + clan; wick worker
  49. vinipātaṃ - [vi+nipāta] below + falling down, state of suffering
  50. yānassa - [yāna + assa] with/of vehicles

Last modified: Sunday, 13 November 2022, 10:42 PM