Namo tassa bhagavato arahato sammāsambuddhassa

1.3.1 Saṅgāravasuttaṃ - The Questions of Saṅgāravo

Atha kho saṅgāravo brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sārāṇīyaṃ vītisāretvā ekamantaṃ nisīdi. Ekamantaṃ nisinno kho saṅgāravo brāhmaṇo bhagavantaṃ etadavoca– “kiṃ nu kho, bho gotama, orimaṃ tīraṃ, kiṃ pārimaṃ tīran”ti?

“Micchādiṭṭhi kho, brāhmaṇa, orimaṃ tīraṃ, sammādiṭṭhi pārimaṃ tīraṃ; micchāsaṅkappo orimaṃ tīraṃ, sammāsaṅkappo pārimaṃ tīraṃ; micchāvācā orimaṃ tīraṃ, sammāvācā pārimaṃ tīraṃ; micchākammanto orimaṃ tīraṃ, sammākammanto pārimaṃ tīraṃ; micchā-ājīvo orimaṃ tīraṃ, sammā-ājīvo pārimaṃ tīraṃ; micchāvāyāmo orimaṃ tīraṃ, sammāvāyāmo pārimaṃ tīraṃ; micchāsati orimaṃ tīraṃ, sammāsati pārimaṃ tīraṃ; micchāsamādhi orimaṃ tīraṃ, sammāsamādhi pārimaṃ tīraṃ; micchāñāṇaṃ orimaṃ tīraṃ, sammāñāṇaṃ pārimaṃ tīraṃ; micchāvimutti orimaṃ tīraṃ, sammāvimutti pārimaṃ tīranti.

Idaṃ kho, brāhmaṇa, orimaṃ tīraṃ, idaṃ pārimaṃ tīranti.

“Appakā te manussesu, ye janā pāragāmino;
Athāyaṃ itarā pajā, tīramevānudhāvati.
Ye ca kho sammadakkhāte, dhamme dhammānuvattino;
Te janā pāramessanti, maccudheyyaṃ suduttaraṃ.
Kaṇhaṃ dhammaṃ vippahāya, sukkaṃ bhāvetha paṇḍito;
Okā anokamāgamma, viveke yattha dūramaṃ.
Tatrābhiratimiccheyya, hitvā kāme akiñcano;
Pariyodapeyya attānaṃ, cittaklesehi paṇḍito.
Yesaṃ sambodhiyaṅgesu, sammā cittaṃ subhāvitaṃ.
Ādānapaṭinissagge, anupādāya ye ratā.
Khīṇāsavā jutimanto, te loke parinibbutā”ti.

Aṅguttaranikāyo, Dasakanipātapāḷi, Paccorohaṇivaggo


Vocabulary
  1. ekamantaṃ - [eka + m + antaṃ] one + end, side
  2. etadavoca - [eta + d + avoca] thus + spoke
  3. kathaṃ - [interrog.] what?
  4. miccha - wrong
  5. ājīvo - livlihood
  6. diṭṭhi - view
  7. kammanto - action
  8. ñāṇaṃ - wisdom
  9. saṅkappo - thought
  10. samādhi - concentration
  11. sati - awareness
  12. vācā - speech
  13. vāyāmo - effort
  14. vimutti - liberation
  15. nisīdi - [aor.] sat down
  16. nisinno - [pp.] having sat down
  17. orima - the lowest, on this side
  18. pārimaṃ - the further, on the other side
  19. sāraṇīya - [adj.] courteous, friendly
  20. saddhiṃ - together with
  21. samma - right
  22. sammodanīyaṃ - [sa + m + modanīyaṃ] to be pleasant
  23. sammodi - [aor. of sammodati] to rejoice, delight
  24. tenupasaṅkami - [tene + upasaṅkami] there + he approached
  25. upasaṅkamitvā - [upasaṅkamat (ger.)] having approached
  26. vītisāretvā - [vītisārett (ger.)] having addressed, made pass between

Last modified: Sunday, 13 November 2022, 5:20 PM