Pali
Namo tassa bhagavato arahato sammāsambuddhassa
3.5.4 Cundasuttaṃ, Part Two
… “Tividhaṃ kho, cunda, kāyena asoceyyaṃ hoti; catubbidhaṃ vācāya asoceyyaṃ hoti; tividhaṃ manasā asoceyyaṃ hoti.
Kathañca, cunda, tividhaṃ kāyena asoceyyaṃ hoti?
Idha, cunda, ekacco pāṇātipātī hoti luddo
lohitapāṇi hatapahate niviṭṭho
adayāpanno sabbapāṇabhūtesu.
Adinnādāyī hoti.
Yaṃ taṃ parassa paravittūpakaraṇaṃ gāmagataṃ vā araññagataṃ vā taṃ adinnaṃ theyyasaṅkhātaṃ ādātā hoti.
Kāmesumicchācārī hoti.
Yā tā māturakkhitā piturakkhitā mātāpiturakkhitā bhāturakkhitā bhaginirakkhitā ñātirakkhitā gottarakkhitā dhammarakkhitā sasāmikā saparidaṇḍā antamaso mālāguḷaparikkhittāpi, tathārūpāsu cārittaṃ āpajjitā hoti.
Evaṃ kho, cunda, tividhaṃ kāyena asoceyyaṃ hoti …
Tividhaṃ kho, cunda, kāyena soceyyaṃ hoti; catubbidhaṃ vācāya soceyyaṃ hoti; tividhaṃ manasā soceyyaṃ hoti.
Kathaṃ, cunda, tividhaṃ kāyena soceyyaṃ hoti?
Idha, cunda, ekacco pāṇātipātaṃ pahāya pāṇātipātā paṭivirato hoti,
nihitadaṇḍo nihitasattho, lajjī dayāpanno, sabbapāṇabhūtahitānukampī viharati.
Adinnādānaṃ pahāya, adinnādānā paṭivirato hoti.
Yaṃ taṃ parassa paravittūpakaraṇaṃ gāmagataṃ vā araññagataṃ vā, na taṃ adinnaṃ theyyasaṅkhātaṃ ādātā hoti.
Kāmesumicchācāraṃ pahāya, kāmesumicchācārā paṭivirato hoti
yā tā māturakkhitā piturakkhitā mātāpiturakkhitā bhāturakkhitā bhaginirakkhitā ñātirakkhitā gottarakkhitā dhammarakkhitā sasāmikā saparidaṇḍā antamaso mālāguḷaparikkhittāpi, tathārūpāsu na cārittaṃ āpajjitā hoti.
Evaṃ kho, cunda, tividhaṃ kāyena soceyyaṃ hoti.
Jāṇussoṇivaggo, Dasakanipātapāḷi, Aṅguttaranikāyo
Vocabulary
- āpajjitā - undergone, got into
- antamaso - even
- hatapahate - in killing + slaying
- luddo - fierce, gruesome, a hunter
- mālāguḷaparikkhittāpi - garland + cluster + encircled, enclosed
- sasāmikā - with + husband
- saparidaṇḍā - certain class of women
- niviṭṭho - settled, established
- paravittūpakaraṇaṃ - beyond + acquired possession + means of support
- theyyasaṅkhātaṃ - theft + called