Exploring the Path: Pali

Namo tassa bhagavato arahato sammāsambuddhassa

Idha socati pecca socati,
pāpakārī ubhayattha socati;
so socati so vihaññati,
disvā kammakiliṭṭhamattano.

Idha modati pecca modati,
katapuñño ubhayattha modati;
so modati so pamodati,
disvā kammavisuddhimattano.

Idha tappati pecca tappati,
pāpakārī ubhayattha tappati;
“pāpaṃ me katan”ti tappati,
bhiyyo tappati duggatiṃ gato.

Idha nandati pecca nandati,
katapuñño ubhayattha nandati;
“puññaṃ me katan”ti nandati,
bhiyyo nandati suggatiṃ gato.

Yamakavaggo, Dhammapadapāḷi, Khuddakanikāye

kammakiliṭṭhamattano - [kamma + kiliṭṭha + m + attano] deed + impure, stained + own
kammavisuddhimattano - [kamma + visuddhi + m + attano] deed + pure, clean + own
katapuñño - [kata + puñño] done + merit
pāpakārī - [pāpa + kārī] evil + doer
pecca - thereafter (after this world)
ubhayattha - [adv.] both + places
vihaññati - to be vexed, grieved, annoyed