Pali
Namo tassa bhagavato arahato sammāsambuddhassa
3.2.9 Girimānandasuttaṃ, Part One
“Katamā cānanda, aniccasaññā?
Idhānanda, bhikkhu araññagato vā rukkhamūlagato vā suññāgāragato vā iti paṭisañcikkhati – ‘rūpaṃ aniccaṃ, vedanā aniccā, saññā aniccā, saṅkhārā aniccā, viññāṇaṃ aniccan’ti. Iti imesu pañcasu upādānakkhandhesu aniccānupassī viharati. Ayaṃ vuccatānanda, aniccasaññā.
Katamā cānanda, anattasaññā?
Idhānanda, bhikkhu araññagato vā rukkhamūlagato vā suññāgāragato vā iti paṭisañcikkhati – ‘cakkhu anattā, rūpā anattā, sotaṃ anattā, saddā anattā, ghānaṃ anattā, gandhā anattā, jivhā anattā, rasā anattā, kāyā anattā, phoṭṭhabbā anattā, mano anattā, dhammā anattā’ti. Iti imesu chasu ajjhattikabāhiresu āyatanesu anattānupassī viharati. Ayaṃ vuccatānanda, anattasaññā.
…
Katamā cānanda, sabbasaṅkhāresu anicchāsaññā?
Idhānanda, bhikkhu sabbasaṅkhāresu aṭṭīyati harāyati jigucchati. Ayaṃ vuccatānanda, sabbasaṅkhāresu anicchāsaññā.”
Sacittavaggo, Dasakanipātapāḷi, Aṅguttaranikāyo
Vocabulary
- ajjhattikabāhiresu - [ajjhattika + bāhiresu] internal + external
- anicchāsaññā - [an + icchā + saññā] not + desire + perception, dispassion, not desiring
- aṭṭīyati - (denominative from aṭṭa) be worried, distressed
- āyatana - sense organs (internal) and their respective objects (external)
- gandhā - smell, odour
- ghāna - nose
- harāyati - (denominative from hiri) be ashamed, vexed
- jigucchati - dislike, loath
- jivhā - tongue
- paṭisañcikkhati - [paṭi + saṃ + cikkhati] to think over, consider
- sota - ear
- vuccatānanda - [vuccati (pass. of vatti) + ānanda] is called + Ānanda