Pali
Namo tassa bhagavato arahato sammāsambuddhassa
3.2.4.1 Saccapabbaṃpabbaṃ, Part One: Dukkhasaccaniddeso
‘‘Katamañca, bhikkhave, dukkhaṃ ariyasaccaṃ?
Jātipi dukkhā, jarāpi dukkhā, maraṇampi dukkhaṃ, sokaparidevadukkhadomanassupāyāsāpi dukkhā, appiyehi sampayogopi dukkho, piyehi vippayogopi dukkho, yampicchaṃ na labhati tampi dukkhaṃ, saṅkhittena pañcupādānakkhandhā dukkhā.
Katamā ca, bhikkhave, jāti? Yā tesaṃ tesaṃ sattānaṃ tamhi tamhi sattanikāye jāti sañjāti okkanti abhinibbatti khandhānaṃ pātubhāvo āyatanānaṃ paṭilābho, ayaṃ vuccati, bhikkhave, jāti.
Katamā ca, bhikkhave, jarā? Yā tesaṃ tesaṃ sattānaṃ tamhi tamhi sattanikāye jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko, ayaṃ vuccati, bhikkhave, jarā.
Katamañca, bhikkhave, maraṇaṃ? Yaṃ tesaṃ tesaṃ sattānaṃ tamhā tamhā sattanikāyā cuti cavanatā bhedo antaradhānaṃ maccu maraṇaṃ kālakiriyā khandhānaṃ bhedo kaḷevarassa nikkhepo jīvitindriyassupacchedo, idaṃ vuccati, bhikkhave, maraṇaṃ.
Katamo ca, bhikkhave, soko? Yo kho, bhikkhave, aññataraññatarena byasanena samannāgatassa aññataraññatarena dukkhadhammena phuṭṭhassa soko socanā socitattaṃ antosoko antoparisoko, ayaṃ vuccati, bhikkhave, soko.
Katamo ca, bhikkhave, paridevo? Yo kho, bhikkhave, aññataraññatarena byasanena samannāgatassa aññataraññatarena dukkhadhammena phuṭṭhassa ādevo paridevo ādevanā paridevanā ādevitattaṃ paridevitattaṃ, ayaṃ vuccati, bhikkhave paridevo.
Katamañca, bhikkhave, dukkhaṃ? Yaṃ kho, bhikkhave, kāyikaṃ dukkhaṃ kāyikaṃ asātaṃ kāyasamphassajaṃ dukkhaṃ asātaṃ vedayitaṃ, idaṃ vuccati, bhikkhave, dukkhaṃ.
Katamañca, bhikkhave, domanassaṃ? Yaṃ kho, bhikkhave, cetasikaṃ dukkhaṃ cetasikaṃ asātaṃ manosamphassajaṃ dukkhaṃ asātaṃ vedayitaṃ, idaṃ vuccati, bhikkhave, domanassaṃ.
Katamo ca, bhikkhave, upāyāso? Yo kho, bhikkhave, aññataraññatarena byasanena samannāgatassa aññataraññatarena dukkhadhammena phuṭṭhassa āyāso upāyāso āyāsitattaṃ upāyāsitattaṃ, ayaṃ vuccati, bhikkhave, upāyāso.
Katamo ca, bhikkhave, appiyehi sampayogo dukkho? Idha yassa te honti aniṭṭhā akantā amanāpā rūpā saddā gandhā rasā phoṭṭhabbā dhammā, ye vā panassa te honti anatthakāmā ahitakāmā aphāsukakāmā ayogakkhemakāmā, yā tehi saddhiṃ saṅgati samāgamo samodhānaṃ missībhāvo, ayaṃ vuccati, bhikkhave, appiyehi sampayogo dukkho.
Katamo ca, bhikkhave, piyehi vippayogo dukkho? Idha yassa te honti iṭṭhā kantā manāpā rūpā saddā gandhā rasā phoṭṭhabbā dhammā, ye vā panassa te honti atthakāmā hitakāmā phāsukakāmā yogakkhemakāmā mātā vā pitā vā bhātā vā bhaginī vā mittā vā amaccā vā ñātisālohitā vā, yā tehi saddhiṃ asaṅgati asamāgamo asamodhānaṃ amissībhāvo, ayaṃ vuccati, bhikkhave, piyehi vippayogo dukkho.
Katamañca, bhikkhave, yampicchaṃ na labhati tampi dukkhaṃ? Jātidhammānaṃ, bhikkhave, sattānaṃ evaṃ icchā uppajjati – ‘aho vata mayaṃ na jātidhammā assāma, na ca vata no jāti āgaccheyyā’ti. Na kho panetaṃ icchāya pattabbaṃ, idampi yampicchaṃ na labhati tampi dukkhaṃ. Jarādhammānaṃ, bhikkhave, sattānaṃ evaṃ icchā uppajjati – ‘aho vata mayaṃ na jarādhammā assāma, na ca vata no jarā āgaccheyyā’ti. Na kho panetaṃ icchāya pattabbaṃ, idampi yampicchaṃ na labhati tampi dukkhaṃ. Byādhidhammānaṃ, bhikkhave, sattānaṃ evaṃ icchā uppajjati ‘aho vata mayaṃ na byādhidhammā assāma, na ca vata no byādhi āgaccheyyā’ti. Na kho panetaṃ icchāya pattabbaṃ, idampi yampicchaṃ na labhati tampi dukkhaṃ. Maraṇadhammānaṃ, bhikkhave, sattānaṃ evaṃ icchā uppajjati ‘aho vata mayaṃ na maraṇadhammā assāma, na ca vata no maraṇaṃ āgaccheyyā’ti. Na kho panetaṃ icchāya pattabbaṃ, idampi yampicchaṃ na labhati tampi dukkhaṃ. Sokaparidevadukkhadomanassupāyāsadhammānaṃ, bhikkhave, sattānaṃ evaṃ icchā uppajjati ‘aho vata mayaṃ na sokaparidevadukkhadomanassupāyāsadhammā assāma, na ca vata no sokaparidevadukkhadomanassupāyāsadhammā āgaccheyyu’nti. Na kho panetaṃ icchāya pattabbaṃ, idampi yampicchaṃ na labhati tampi dukkhaṃ.
Katame ca, bhikkhave, saṅkhittena pañcupādānakkhandhā dukkhā? Seyyathidaṃ – rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho. Ime vuccanti, bhikkhave, saṅkhittena pañcupādānakkhandhā dukkhā. Idaṃ vuccati, bhikkhave, dukkhaṃ ariyasaccaṃ.
Mahāsatipaṭṭhānasuttaṃ, Mahāvaggapāḷi, Dīghanikāyo
abhinibbatti - [abhi + nibbatti] (f.) birth, rebirth, becoming
ādevanā - ādevanā lamentation, crying, bewailing
ādevitattaṃ - ādevitattaṃ state of + lamentation, crying, bewailing
ādevo - ādevo lamentation, crying, bewailing
ahitakāmā - [a + hita + kāmā] not + benefit, fortune + wish, desire: harm
akantā - [a + kantā] not + pleasant
amaccā - fellow, companion, college
amanāpā - [a + manāpā] not + pleasing, charming
amissībhāvo - [a + missībhāvo] not + mixed, state, union
anatthakāmā - [an + attha + kāmā] not + welfare, gain, fortune + wish, desire: misfortune
aniṭṭhā - [an + iṭṭhā] not + pleasant, agreeable
aññataraññatarena - [aññatara + aññatara] (instr.) one of a certain number: this or that
antaradhāna - disappearance
antoparisoko - [anto + pari + soko] inner + severe +grief, severe mourning
antosoko - [anto + soko] inner + grief
aphāsukakāmā [a + phāsuka + kāmā] not + pleasant, comfortable + wish, desire: trouble, uneasiness
appiyehi - [a + p + piyehi] (abl.) not + disagreeable, not liked
asamāgamo - [a + samāgamo] not + meeting, union
asamodhānaṃ - [a + samodhānaṃ] not + collocation, combination
asaṅgati - [a + saṅgati] not + meeting, intercourse, union
asātaṃ - disagreeable
assāma - atthi (opt., 1st. pl.) we would be
atthakāmā - [attha + kāmā] welfare, gain, fortune + wish, desire: well-wishing
āyāsitattaṃ - āyāsitattaṃ state of + trouble, sorrow
āyāso - trouble, sorrow
āyatanānaṃ - āyatanāna (pl. gen., dat.) sense organ, sphere
ayogakkhemakāmā - [a + yogakkhema + kāmā] not + safety + wish, desire
āyuno - āyu (nt.,gen.,dat.) age
bhaginī - sister
bhātā - brother
bhedo - breach, disunion
byasanena - byasana (instr.) misfortune
cavanatā - state of falling away, death
cuti (f.) - passing, shifting away
hitakāmā - [hita + kāmā] benefit, fortune + wish, desire
iṭṭhā - iṭṭhā pleasant, agreeable
jarāpi - [jarā + pi] aging, old age + and
jātipi - [jāti + pi] birth + and
jīraṇatā - decay, growing old, state of
jīvitindriyassupacchedo - [jīvita+ indriyassa (gen.) +upacchedo] life + faculty + destruction
kālakiriyā - [kāla + kiriyā] time + making: death
kaḷevarassa - kaḷevara (gen.) body
kantā - kantā pleasing, charming
khandhānaṃ - khandhā (pl.,gen.) sensorial aggregates
khaṇḍiccaṃ - state of being broken
labhati - to gain, achieve
maccu - death
manāpā - manāpā pleasant, agreeable
maraṇa - death,
maraṇampi - [maraṇaṃ + pi] death + and
mātā - mother
missībhāvo - [missa + bhāvo] mixed + becoming: union, mixed state
mittā - friend, companion
ñātisālohitā - [ñāti + sā + lohitā] relative
nikkhepo - putting down, discarding
okkanti - descent, falling down
pāliccaṃ - greyness of hair
pañcupādānakkhandhā - [pañca + upādāna + k + khandhā] five + longing, attachment + aggregates
paridevanā - [pari + devanā] lamentation, crying, bewailing
paridevitattaṃ - paridevitattaṃ severe state of + lamentation, crying, bewailing
paridevo - [pari + ādevo] severe + lamentation, crying, bewailing
paripāko - [pari + pāko] ripeness, maturity, collapse
paṭilābho - [paṭi (pref.) + lābho] receiving, getting: attainment, acquisition
pattabbaṃ - pāpuṇāti (ftpp.) to be gained, obtained
pātubhāvo - [pātu (indecl.) + bhāvo] manifest, visible + appearance, coming into being
phāsukakāmā - [phāsuka + kāmā] pleasant, comfortable + wish, desire
phuṭṭha - touched, affected by
pitā - father
piyehi - piyehi (abl.) agreeable, liked
saddhiṃ - indecl. with, together with
samāgamo - [sam + āgamo] together + coming: union, meeting
samannāgatassa - [samannā + gata] (gen.) followed by, endowed with
saṃhāni - saṃhanati/ saṃhanti destroy, supress
samodhānaṃ - collocation, combination
sampayogopi - [saṃ + payogo + pi] with + combined, associated + and
saṅgati - meeting, intercourse, union
sañjāti - birth, origin
sattanikāye - [satta + nikāya (loc.)] beings + assemblage, collection
socanā - grief, sorrow
socitattaṃ - sorrowfulness,
sokaparidevadukkhadomanassupāyāsāpi - [soka + parideva + dukkha + domanass + upāyāsā + pi] sorrow + lamentation + pain + grief + distress + and
tamhi - [taṃ + hi] that + because
upāyāsitattaṃ - upāyāsitattaṃ state of + trouble, disturbance, restlessness
upāyāso - trouble, disturbance,
valittacatā - fact of having wrinkled skin
vippayogopi - [vi + p + payogo + pi] away + combined, associated + and
yampicchaṃ - [yam + p + icchaṃ] what + desired, wished for
yogakkhemakāmā - yogakkhemakāmā safety (peace from bondage) + wish, desire