Pali
Namo tassa bhagavato arahato sammāsambuddhassa
2.1.15 Phussattheragāthā - 2500 Years Are Over! The Clock of Vipassana Has Struck! Make Use of This Rare Opportunity!
‘‘Kodhanā upanāhī ca, makkhī thambhī saṭhā bahū;
Ussukī nānāvādā ca, bhavissanti anāgate.
Aññātamānino dhamme, gambhīre tīragocarā;
Lahukā agaru dhamme, aññamaññamagāravā.
Bahū ādīnavā loke, uppajjissantyanāgate;
Sudesitaṃ imaṃ dhammaṃ, kilesessanti dummatī.
Agāravo ca kāsāve, tadā tesaṃ bhavissati;
Paṭisaṅkhā ca kāsāve, bhikkhūnaṃ na bhavissati.
…
Anikkasāvo kāsāvaṃ, yo vatthaṃ paridhassati;
Apeto damasaccena, na so kāsāvamarahati.
Yo ca vantakāsāvassa, sīlesu susamāhito;
Upeto damasaccena, sa ve kāsāvamarahati.
Vipannasīlo dummedho, pākaṭo kāmakāriyo;
Vibbhantacitto nissukko, na so kāsāvamarahati.
Yo ca sīlena sampanno, vītarāgo samāhito;
Odātamanasaṅkappo, sa ve kāsāvamarahati.
…
Evaṃ anāgataddhānaṃ, paṭipatti bhavissati;
Bhikkhūnaṃ bhikkhunīnañca, patte kālamhi pacchime.
Purā āgacchate etaṃ, anāgataṃ mahabbhayaṃ;
Subbacā hotha sakhilā, aññamaññaṃ sagāravā.
Mettacittā kāruṇikā, hotha sīlesu saṃvutā;
Āraddhavīriyā pahitattā, niccaṃ daḷhaparakkamā.
Pamādaṃ bhayato disvā, appamādañca khemato;
Bhāvethaṭṭhaṅgikaṃ maggaṃ, phusantā amataṃ pada’’nti.
Tiṃsanipāto, Theragāthāpāḷi, Khuddakanikāye
Vocabulary
- anāgataddhānaṃ - [anāgata + addhāna] future + time, period
- anikkasāvo - [a + nik + k + asāvo] not + free from + impurities, stained
- aññamaññamagāravā - [añña + m + aññam + agāravā] one + another + without respect
- aññātamānino - [aññāta + mānino] one who knows + being proud of
- apeto - [apeti (pp.)] without, freed from, deprived of
- daḷhaparakkamā - [daḷha + parakkamā] strong, firm + exertion, effort, energy
- damasaccena - [dama + sacca (loc.)] restraint, self-control + truth
- kāsāva - yellow robe
- lahukā - light, trifling
- makkha - hypocrisy, anger
- nissukko - [ni + s + sukko] impure
- odātamanasaṅkappo - [odāta + mana + saṅkappo] clean + mind + thoughts, intentions
- pahitattā - [padahati (pp)] of resolute will, energetic
- paridhassati / paridahissati [pari + dhahati (fut.)] put on, dress oneself
- phusanā - attaining
- sakhilā - friendly, amiable, pleasant
- saṃvutā - [saṃvarati (pp)] restrained, controlled, guarded
- saṭhā - treacherous, fraudulent
- thambha - obduracy, deceit, selfishness
- tīragocarā - [tīra + gocarā] shore, bank + sphere, dwelling, abode
- upanāho - enmity, bearing ill-will, grudge
- upeto - [upeti (pp.)] undergo, obtain
- uppajjissantyanāgate - [uppajjati (fut.,pl.) + y + anāgate] will arise + future
- ussuka - energetic, eager, greedy
- vatthaṃ - cloth(es)
- vibbhantacitto - [vibbhamati (pp.) + citto] roaming, confused, wavering