Pali
Namo tassa bhagavato arahato sammāsambuddhassa
3.4.7 Kosambiyasuttaṃ
‘‘Taṃ kiṃ maññatha, bhikkhave, yasmiṃ tumhe samaye bhaṇḍanajātā kalahajātā vivādāpannā aññamaññaṃ mukhasattīhi vitudantā viharatha, api nu tumhākaṃ tasmiṃ samaye mettaṃ kāyakammaṃ paccupaṭṭhitaṃ hoti sabrahmacārīsu āvi ceva raho ca, mettaṃ vacīkammaṃ paccupaṭṭhitaṃ hoti sabrahmacārīsu āvi ceva raho ca, mettaṃ manokammaṃ paccupaṭṭhitaṃ hoti sabrahmacārīsu āvi ceva raho cā’’ti?
‘‘No hetaṃ, bhante’’.
‘‘Iti kira, bhikkhave, yasmiṃ tumhe samaye bhaṇḍanajātā kalahajātā vivādāpannā aññamaññaṃ mukhasattīhi vitudantā viharatha, neva tumhākaṃ tasmiṃ samaye mettaṃ kāyakammaṃ paccupaṭṭhitaṃ hoti sabrahmacārīsu āvi ceva raho ca, na mettaṃ vacīkammaṃ paccupaṭṭhitaṃ hoti sabrahmacārīsu āvi ceva raho ca, na mettaṃ manokammaṃ paccupaṭṭhitaṃ hoti sabrahmacārīsu āvi ceva raho ca.
Atha kiñcarahi tumhe, moghapurisā, kiṃ jānantā kiṃ passantā bhaṇḍanajātā kalahajātā vivādāpannā aññamaññaṃ mukhasattīhi vitudantā viharatha, te na ceva aññamaññaṃ saññāpetha, na ca saññattiṃ upetha, na ca aññamaññaṃ nijjhāpetha, na ca nijjhattiṃ upetha? Tañhi tumhākaṃ, moghapurisā, bhavissati dīgharattaṃ ahitāya dukkhāyā’’ti.
Kosambiyasuttaṃ, Cūḷayamakavaggo, Mūlapaṇṇāsapāḷi, Majjhimanikāyo, selected
Vocabulary
- kalahajātā - [kalaha + jātā] strife, battle + produced, born
- kiñcarahi - [kiṃ + carahi] how + then, in that case
- nijjhāpetha - [nijjhāpeti] give to understand
- bhaṇḍanajātā - [bhaṇḍana + jātā] quarrelling, strife + produced, born
- mukhasattīhi - [mukha + satti (instr.)] mouth + weapon
- moghapurisā - [mogha + purisā] foolish + person
- vitudati - strke, sting
- saññatti - convincing
- saññāpetha - [saññāpeti] suppose, recognize, perceive, convince